Redcross

CVTL Apoia Komunidade Ermera iha Prevensaun Dengue 

Komunikadu Imprensa
CVTL Apoia Komunidade Ermera iha Prevensaun Dengue

Agora tempu dengue nian tan – problema ne’ebe maka Timor-Leste hasoru kada tinan.
Cruz Vermelha de Timor-Leste (CVTL) apoiu komunidade iha Timor-Leste atu prevene dengue durante tinan barak ona. Ohin loron, funsionariu no Voluntáriu CVTL ba suku Mertuto, Gleno, Ermera atu haló sosializasaun nomos prevene dengue liu hosi limpeza.

Agora daudaun, (iha 4/3/20) kazu dengue iha Munisípiu Ermera hamutuk 204 kazu.
Prezidente CVTL, Madalena Hanjam hateten, “dengue ne’e hanesan moras ida ne’ebe seriu hamosu hosi susuk no laiha aimoruk. Importante mak ema hotu tenki iha konsiensia kona-ba moras ne’e no saida maka ita atu haló iha ita nia moris lor-loron kona-ba prevensaun nian. Atensaun, Diak liu prevene duke kura!”  
Saida mak dengue?
Moras ida lori hosi susuk ida naran Aedes Agypty (susuk inan), susuk ne’e agresivu tebes atu tata ema, no tata ema iha loron de’it hahú iha dadersan to’o lokraik. Susuk ne’e moris iha uma laran, uma ninin, bee moos ne’ebé lataka no bee ne’ebé nalihun.

Prezidente CVTL hatete. “Isin mana’s maka'as ho temperatura 39c to'o 40C durante loron 2 too loron 7 nia laran, ita presiza atu visita klinika – labele hein deit. Importante mos halo teste raan"

“Ohin loron Ami enkoraja ema hotu iha Timor-leste atu sai pro-ativu, no atu foti medida tuir mai ne’e hodi prevene dengue. Ita hamutuk hodi prevene dengue” rezumu Hanjan.

Saida mak ita sei halo atu prevene moras ne’e?
1. Hamos uma ninin bee dalan ka valeta, keta husik bee nalihun hela iha uma Sorin-sorin
2. Tau hamutuk kalen aat, plástiku, botir mamuk no pineu ka roda aat ne’ebé la uza, hodi lori fali ba fatin soe fo’er nian ne’ebé prepara tiha ona (lixu fatin).
3. Hamos no fase sintina, tanki haris nian, balde ka bidón ne’ebé hodi tau bee moos, semana ida dala ida, no tenki taka metin keta husik nakloke.
4. Hikar diak roupa no halo tiha nia fatin, keta husik tara hela iha didin ka odamatan kotuk
5. Toba iha mosquiteiru laran
6. Fakar sai bee hosi vazu aifunan
7. Uza aimoruk susuk nian

Cruz Vermelha mos apoiu Ministériu saúde atu halo Diseminasaun konaba prevensaun Virus COVID -19 ka Corona Maneira Prevensaun sira mak hanesan tuir mai ne’e iha brosura ne’ebe prodús ona husi Ministériu Saúde nomos Organizasaun Mundial Saúde. Bele hare anexu.
Atu hatene Liu tan informasaun, favour kontaktu
Joao Pinto Soares – Koordenadór Departamentu Saúde (+ 670 7733 3554)
Martinho José da Costa – Jestór Komunikasaun (+ 670 7735 4379)